日本上網 SIM 點分真假? 【達人教路】智購 Docomo SIM 卡 10 問 (上) 菲林 三月 29, 2016 18:24

e-zone 手機版記者,有幸接觸初代 iPhone 和 Google G1,對不同手機 OS 和 Apps 都有濃厚興趣。

去日本,買一張當地上網 SIM 卡已是旅行前必要做的事!但有否發現,無論喺淘寶、鴨記、團購抑或是其他店舖入手的日本上網 SIM 卡,大多數係一式一樣使用 Docomo 網絡,卻有 8 日、15 日或 2GB、3GB 之分?到底點樣揀好?又如何分真假日本上網 SIM 卡?ezone.hk  記者特別向其中一間專售日本 SIM 卡的手機店店員阿彤,同大家詳細講解。

問題 1:日本上網 SIM 大概有幾多款?

L&T 店員阿彤答:喺香港有售的日本上網 SIM 卡,大致上有 8 日 200MB、8 日 2GB、8 日 3GB、15 日 200MB 同 30 日 4GB 5 款,多數人會揀 8 日 200MB、8 日 3GB 或者 15 日 200MB。

問題 2:8 日 200MB 、8 日 2GB、8 日 3GB 有咩分別呢?

答:簡單嚟講,8 日、15 日或 30 日即喺使用日數,至於 200MB、2GB 或 3GB,就喺代表每日可用的 4G 數據上限或者 SIM 卡使用期內可用的總 4G 用量。而除咗 8 日 2GB SIM 卡喺不設用量限制(用晒 2GB 後就會降速到 3G)外,其他 SIM 皆以每日平均用量計算(當地時間 0:00 後就當新一日),所以  8 日、15 日 200MB 就代表每日可用 200MB 4G 數據。至於 8 日 3GB 和 30 日 4GB 兩款 SIM 卡,以每日平均用量嚟計就分別可用 384MB 同 136.5MB,但此 2 款 SIM 每日的 4G 數據上限為 500MB,若不以為意,好快就會用晒 4G 數據,餘下的使用期內就只能用 3G 上網。

問題 3:用晒 4G 數據,降速到 3G 會唔會用唔到 Google Maps?

答:當降速到 3G 後,由於 SIM 卡版本不同,8 日 / 15 日 200MB、8 日 2GB 的 3G 網速為 200Kbps; 8 日 3GB 及 30 日 4GB 的 3G 網速為 256Kbps,其實速度無咩大分別,但都可以用到 Google Maps、WhatsApp、Facebook 等等,當然速度會比 4G 慢好多啦﹗

問題 4:docomo SIM 有無有效限期?

答:每張 SIM 卡都會有一個有效限期,喺包裝袋一定會睇到﹗另外,可以留意 SIM 卡有冇提供 apn 設定,由於 docomo SIM 一律採用 nanoSIM 卡設計,用家可以留意是否要預備 SIM adaptor。

問題 5:周圍都賣 docomo SIM,其實無分別?

答:老實講,大家都用 docomo 網絡的話,分別唔會好大,不過,門市有售的日本 SIM,一定唔會有假卡出現,曾經聽過客人問有冇 1.2 GB、1.5GB 賣,這些 SIM 我地真喺未見過,速度、用量難以有保證!另外,就喺門市一般會提供售後服務,呢方面鴨記同淘寶就未必有,咁 SIM 卡出咗問題就難以追究。

docomo 日本上網 SIM 卡,包裝袋會印有用量及有效日期。
docomo 日本上網 SIM 卡,包裝袋會印有用量及有效日期。
淘寶網有售的日本上網卡,雖然用 docomo 網絡,但用量及售後服務存疑。
淘寶網有售的日本上網卡,雖然用 docomo 網絡,但用量及售後服務存疑。
L&T 店員阿彤
L&T 店員阿彤

去到日本上唔到網點算?可以按此睇下自救方法(其餘 5 條 FAQ)】

Source:ezone.hk
【專題報道】

想自動收到最新網上熱話、科技情報或優惠筍料,請按 Like Follow ezone.hk Facebook,並使用「搶先看」(設定方法按此) 功能!


標籤: 日本上網卡 , 數據漫遊卡 , 上網sim , docomo , 日本旅行
會員中心
只需免費登記成為 e-zone Club 會員,即可參加每期 Jetso 激賞有獎遊戲,並有機會參與 e-zone 舉辦的免費會員活動!