試啱先買 富士鏡頭網上試拍 定焦變焦有齊 光圈色調風格可改 Alex 七月 23, 2016 17:08

唔賭唔知時運高!未試過點知好唔好?相機鏡頭新舊配件有平有貴也千奇百怪,尋覓是樂趣,創作慰心靈,中伏長知識。

買鏡頭係天下第一等嘅煩惱事:大光圈定細光圈(好貴 vs 無得玩淺景深)?定焦抑或變焦(高質素成像 vs 便利)?應選甚麼焦距或焦段?仲有原廠還是副廠?行貨好定係水貨抵等等一籮問題要解決。上網爬文,參考別人嘅使用經驗係一個唔錯嘅方法。如果想買富士鏡頭的拍友,如今仲有多一個選擇。

【e-zone 書展優惠】即場訂 ez 電子雜誌,最平 $8.8 一期(2 年計劃),兼送 IT 或生活家電產品。先到先得。

光圈與焦距選擇會隨所選鏡頭而改變,仿真度極高。
光圈與焦距選擇會隨所選鏡頭而改變,仿真度極高。

最近富士出咗個網頁(連結請按這裡),有齊旗下 20 支 X 系列無反鏡頭(其中一支是 2X 增距鏡),供用家試拍。拍友除咗可以揀鏡頭之外,仲可以揀光圈(選擇跟對應嘅鏡頭一樣);若揀咗變焦鏡,一樣可以揀埋焦距,總之整個設計都係以高仿真為大前提!

【拍攝技巧】三腳架擺啱位 翻倒都有救!
【拍攝技巧】無 PS 一樣影到奇幻效果?

為左方便比較不同設定和鏡頭的拍攝效果,網頁還提供「Light box」功能,拍友可以把試拍相片儲存下來,逐一放大「聞相」又得,並排仔細比較亦得!此外,想買富士相機的拍友,唔少其實係為左佢個菲林色調風格模擬功能。喺呢個網頁裡面,一樣有提供呢個呢功能,可惜只係得 Velvia 同 Classic Chrome 兩個風格,略嫌有啲唔夠喉,試得唔夠真。

菲林色調風格模擬功能只得 Velvia 同 Classic Chrome 兩個選擇風格,略嫌唔夠喉。
菲林色調風格模擬功能只得 Velvia 同 Classic Chrome 兩個選擇風格,略嫌唔夠喉。
「Light box」功能可以把試拍相片並排顯示,亦有放大功能,要比較兩支鏡頭嘅拍攝效果好方便。(網頁的放大圖示相片遺失,但功能正常。)
「Light box」功能可以把試拍相片並排顯示,亦有放大功能,要比較兩支鏡頭嘅拍攝效果好方便。(網頁的放大圖示相片遺失,但功能正常。)

Source:Fujifilm

想自動收到最新科技情報或網上優惠筍料,請按 Like Follow ezone.hk Facebook,並使用「搶先看」(設定方法按此) 功能!


標籤: X系列 , 試拍 , 聞相 , 色調風格 , 先試後買 , 行貨 , 水貨 , 高仿真 , 增距鏡 , Velvia
會員中心
只需免費登記成為 e-zone Club 會員,即可參加每期 Jetso 激賞有獎遊戲,並有機會參與 e-zone 舉辦的免費會員活動!