方東昇 10 大金句【世界零距離III】 一試無妨,再試投降 柔之拔 一月 10, 2017 08:13

科技玩意乃匹配遊戲,每個人都是自己的專家,所有產品都是好產品;終極目標為自砌智能家居獨立屋,深信「只要冇電死,終會砌成機」。

TVB 節目《世界零距離 III》於 1 月 9 日昨天晚上首播,主持之一的方東昇再顯金句王本色!可能他知道自己只是金句王而不是金句天王,嬲嬲發洩金句盡出,單是一集內方東昇已怒爆 10 大金句,即 check!

【01】一試無妨,再試投降

這集介紹非洲埃塞俄比亞。三位主持方東昇、黃曉瑩、陳沛珈試食英吉拉餅,這是埃塞著名食物,營養價值比小麥高,但外國食評形容味道似臭襪,三方主持膽粗粗要試食。

黃曉瑩表示:「好似一舊發脹咗嘅海綿(頂唔順的樣子)」;陳沛珈厚道:「不是『粟』,是酸,可接受到」;方東昇一本正經:「我個總結係一試無妨,再試投降」。

【02】外地人當草,當地人當寶

可能未驚完「英吉拉餅」,未幾再爆出上述一句。

【03】越扶越貧

方東昇引述香港世界宣明會表示,埃塞有 1,000 萬人口等待人道救援,傳統派水派糧式扶貧,只會「越扶越貧」,因此改為協助埃塞人興建各項設施。

即是教你釣魚,不是俾多舊魚你。

【04】平民愛廣場,高人上深山

介紹 43 歲已退役「長跑皇帝」基比斯拉斯;272 次打破世界紀錄、贏得兩面 1 萬米奧運金牌、少於半小時可跑完 10 公里。方東昇懶醒單挑基比斯拉斯,結果「上氣不接下氣,高手教你,理順條氣」。

【精選消息】PKM GO 罕有電郵通知將有更新 網民:這次應該是二代精靈吧!
【熱門報道】最新 DoS 攻撃致命黑名單【附解決方法】 Mac 機終結者
【熱門報道】一頁睇盡 220 城市鐵路簡化圖 最複雜的原來是…

【05】路遙知馬力,啲汗係咁滴

上山單挑失敗,到健身室再戰,方東昇同樣一敗塗地。他在跑步機上慨嘆。

【06】無論喺邊個領域,都有一股原動力

基比斯拉斯於 2015 年退役段,之後多瓣數,包括房地產、酒店、建築、採礦、汽車買賣,羨煞方東昇,爆出這句金句。

【07】跑出彩虹,告別貧窮

方東昇表示好多埃塞人民想基比斯拉斯選總統,帶領埃塞,跑出彩虹,告別貧窮。又話「埃塞盛產氣袋,園藝同樣精彩」。

【08】我想知,但我唔想試

介紹埃塞咖啡,三位主持嚷著說:
陳沛珈:飲 1 杯,精神百倍
黃曉瑩:飲 2 杯,全晚瞓唔著
方東昇:飲 3 杯,果晚同第朝,完全無睡意
陳沛珈問黃曉瑩:飲多過 3 杯呢?
黃曉瑩問方東昇:飲多過 3 杯呢?
方東昇:我想知,但我唔想試。

【09】織織復織織,織極都唔識

在下回預告,方東昇似乎是在學習紡織,可能天生學習能力一般,面向鏡頭剖白了上述一句。小記想問,「如果堅唔識,點解咁招積?」

【10】真係想講句,點入呀?

「點入」最啜核!這句也是在下回預告,方東昇排隊乘搭火車,由於火車多人到爆,方東昇慨嘆。

讚好 ezone.hk Facebook,速睇最新科技生活資訊。

Source:mytv


標籤: 方東昇世界零距離III , 方東昇金句王 , 方東昇
會員中心
只需免費登記成為 e-zone Club 會員,即可參加每期 Jetso 激賞有獎遊戲,並有機會參與 e-zone 舉辦的免費會員活動!