說好的經典造型呢? 【CES】柯達 Instamatic 5 超失望 WilliamS 一月 6, 2015 17:30

前輩教落,平有平玩貴有貴玩,深信數碼潮物無分貴賤,只分新舊!表面討厭盲目追新,心底卻希望有無限金錢,讓自己走在科技最前線。

本站早前已報道過,經典相機及菲林生產商 Kodak(柯達)宣布與 Bullitt 合作,生產一系列 Android 流動裝置,頭炮就是智能手機,並會於今天正式開幕的 CES 2015 作首展【重溫之前報道按此】。由於 Kodak 早在 2013 年發表過 Instamatic 2014 概念手機,以強勁攝影功能掛帥,再配以經典造型,自然令外界對 Kodak 於 CES 發布的智能手機,抱有不少寄望。好喇,新機已經在 CES 正式亮相,造型、規格、功能都已開估,型號名起用 Instamatic 5,要知道「Instamatic」係唔少經典 Kodak 相機的型號名呢!只可惜,呢部 Android 手機,單看外表已經令人失望。規格暫且不提,先看相片,黑色機身再加銀色邊框平平無奇,猶如 iPhone 3G;黑膠機背真係夠膠,鏡頭位於機背左上方,仲要有「13MP」字樣,驚人唔知係 1,300 萬像鏡頭嗎?如果大家未見過 Instamatic 2014 概念機,失望程度應該無咁高,但若然你好似小記一樣睇過概念機,咁就真係失望得很!(未見過 Instamatic 2014 就要睇下圖)

可能你會話,外形這東西很主觀,好,就同大家講講最客觀的 spec!處理器採用 MediaTek MT6592 1.7GHz 八核處理器、1GB RAM、8GB 儲存空間、兼容 MicroSD 卡、1,300 萬像素後置鏡頭、500 萬像自拍鏡頭、3G 上網(無睇錯,係無 LTE 的)、Android 4.4.2 系統(預計會升級至 5.0),以及 5 吋 720p 芒。睇完 spec,小記不做評語,閣下自行判斷吧!價錢呢?預計約售 US$249(即約 HK$1,937),料於歐美等地率先上市,祝柯達好運!

機背膠感十足,愛膠的十定好開心。
機背膠感十足,愛膠的十定好開心。
鏡頭下方的「13MP」字樣,想點先?
鏡頭下方的「13MP」字樣,想點先?
理論上呢部手機係以拍攝作賣點。
理論上呢部手機係以拍攝作賣點。
操作介面總算有少少驚喜,簡約易睇!
操作介面總算有少少驚喜,簡約易睇!
機邊的造工,有圖有真相。
機邊的造工,有圖有真相。
屏幕下方的按鍵。
屏幕下方的按鍵。
假設你未見過 Instamatic 2014 概念手機,呢一部就係喇!
假設你未見過 Instamatic 2014 概念手機,呢一部就係喇!
如此經典造型,係咪就係大家所預期見到呢?
如此經典造型,係咪就係大家所預期見到呢?

Source:AndroidCentral


標籤: Kodak , instamatic2014 , instamatic5 , Android手機
會員中心
只需免費登記成為 e-zone Club 會員,即可參加每期 Jetso 激賞有獎遊戲,並有機會參與 e-zone 舉辦的免費會員活動!