2 月 13 日無限上網取消後又即日復辦的風波引致天怒人怨，當中於二月頭就明言會取消無限上網月費計劃的數碼通 SmarTone 更成為眾矢之的，因為大批客戶急於向數碼通 SmarTone 續約或購買 iPhone 4S 無限上網計劃，被迫簽了 2 年死約，當數碼通 SmarTone 宣佈會復辦無限上網即惹來大批顧客投訴。雖然幾日後數碼通 SmarTone 表示該批顅客可以取消合約，但買了 iPhone 4S plan 的人早已放機，想取消都唔得。
昨日數碼通 SmarTone 公布中期業績，有記者問及無限上網風波及是否因 CSL 的堅持繼續提供無限上網而「彈弓手」復辦無限上網一事，數碼通 SmarTone 總裁黎大鈞隨即狂踩對手 CSL，表示現時是自由市場打仗現象，直指 CSL 有好大壓力，要「睇吓（CSL）幾時蝕本」，「我哋銀行有錢，咁咪打過囉……我哋唔會輸蝕，寸土必爭。」黎大鈞更直言明知成本有壓力都「照跟」的原因是「我想打沉佢（CSL）囉」，甚至寸 CSL 「呢個品牌好 desperate（絕望），佢衰咗幾年、靠吹，一路流失緊好客，增長嘅係低 ARPU（每月每戶平均收入）客……佢哋認為呢種方式可保持市佔率，係好短見。」
數碼通 SmarTone 於中期業績報告中指出，旗下香港客戶數 320 萬人，去年下半年比前年同期銷售收入上升 12%， EBITDA（扣除利息、稅項、折舊及攤銷前盈利）增長 48%，難怪黎大鈞可以咁寸踩低 CSL。
原文參考：
轟無限上網搶市佔率做法短視 數碼通向CSL挑機
[
本帖最後由 JKM 於 2012-2-22 16:23 編輯 ]
