打印

高ling矮ling

本主題由 e-zone Club 管理員 於 2013-8-7 11:23 移動

高ling矮ling

高ling矮ling 高登改艷圖 包你笑死!

高ling矮ling 近日被森美在無線節目《千奇百趣》炒紅,皆因森美在節目中邀請到綽號高ling的高海寧作為嘉賓,然後他在節目中有意無意之間說出一句「有高Ling,有矮Ling,仲有全家都係Ling…」,迅即引來全港大笑,但尼個「全家都係ling」的說法原來又係源自網上高登討論區!



高Ling拋胸伸脷搏盡 再現世紀潛力圖
嘩,高Ling又有潛力圖喇,仲要係有今生冇來世、驚天地泣鬼神嘅添!

噚晚森美小儀主持嘅節目《千奇百趣》,除咗請到三大「咪神」高海寧(高Ling)、徐淑敏、沈卓盈(沈大師)一齊玩,同場嘅馬賽反而變咗陪襯。昔日呢,最搶鏡會係徐淑敏,可惜,今時唔同往日,加上老公黃浩同曾志偉爆咗單「咁嘅嘢」,唉,都唔知噚晚會唔會係最後一次喺無綫見到徐淑敏喇……

講番節目先,噚晚最搶鏡嘅,一定係高Ling,佢著住吊帶低胸背心上陣,條事業線就成日陰啲陰啲走出嚟,又不時「烏」低身笑,真係睇到宅男叫救命...徐淑敏同沈卓盈就包到實一實,就算「烏」低身都冇嘢睇啦。

戲肉又係喺最後,話說高Ling同馬賽嗰組輸咗,森美話馬賽之前已受過罰,所以高Ling就要玩嗰個「千奇百趣照妖鏡」,鏡乜鬼吖,玩想入非非就真,要高Ling隔住個絲網,個網就得一個洞,要佢伸脷嘟咀食一粒吊實咗嘅車厘子,高Ling玩到面容扭曲不特止,網民將佢呢一連串動作cap圖兼瘋傳,又話要花生、又話會成為世紀最住潛力cap圖。

高Ling玩呢個「遊戲」前,已經俾森美話:「有高Ling,有矮Ling,仲有全家都係Ling...」暗寸佢「冚家Ling」,sorry,森美,你擺明就係抄高登仔嘅,因為此post一早已經出咗喇。難得被玩嘅高Ling笑到停唔到,呢啲咪叫高EQ囉!

其實沈卓盈都有俾網民cap圖,不過唔係同一個節目,係《May姐有請》,話阿沈大師喺節目入面食親乜嘢都要話「好似薯片」,俾網民笑佢「蔡瀾食餅有餅味,沈卓盈食乜都係薯片味。」以後要叫佢「薯片盈」,不...不如搵沈大師做薯片代言人罷啦!

引自︰http://hk.apple.nextmedia.com/enews/realtime/20130802/51610815

TOP

重要通告:e-zone.com.hk 對討論區與網站內所有留言的真實性、完整性及立場等, 均不會負上任何法律責任。本討論區採用即時上載留言方式運作,因此不能完全監 察所有留言,若任何人發現 有留言出現問題,如涉及版權、人身攻擊、誹謗、不 雅、淫褻、暴力、網上罪行等,請即請聯絡我們 (ezone1@hket.com),我們定當立 即處理。e-zone.com.hk 討論區有權刪除留言及拒絕任何人士上載留言 (刪除前或 不會作事先警告及通知 ),同時亦有不刪除留言的權利;若有任何爭議,我們擁有 最終的詮釋權。所有留言內容純粹個人意見,並非 e-zone.com.hk 網站之立場, 網站使用者應自行判斷內容之真實性。